ياعنيز خليت المواجع يزودن
وقلب المعانى فيه مشرى ومبياع
قلبى تكرفت بى تكرفة على الفن
من مافهم من قول مكتوب ومنذاع
عزى من قلب تحمس كما البن
يوم يتطرى كل ماحوشه ضاع
نيران جوفه كل ساعة يقيدن
وقلب المعانى خص ف الهم طماع
يطرى عليه إن لقن الخرم واقفن
وعقيدهن قوّد لهن فوق سلفاع
ويطرى عليه يوم المزاود يتكن
والنقرسة فى الراس سوت لها صداع
ويطرى عليه أبو قلايد يشلن
اللى قرونه مايقلن عن الباع
ويطرى عليه يوم العوادى يتبنن
من عقب المشاتى ومقيل الوقت مرباع
ويطرى عليه كثر التراحيب ل جن
ومحضر للضيف فرشة ومضجاع
وياعنيز ودى أوصيك عن كثرة الون
الون والتوجيد مافيه منفاع
ليست هناك تعليقات:
إرسال تعليق