ياعبد ياطمعان طمعة الشاة
طمعان فى دنيا رخيصة ومنكاد
الموت ماينساك لو صرت تنساة
بينك وبين الموت للروح ميعاد
والروح فيك شى يعلم به الله
وإن عازها تمشى معه دون ترداد
تنسل منك سل السيف من جواه
وإنت الجفير إن ظل وش عازته عاد
من يوم قالوا فلان الله توفاه
جابوا الكفن وإقفيت منها بلا زاد
وربعك يحفروا بير يرموك جواه
ويقفوا عنك ماينفعك مال وأولاد
ماينفع المخلوق غير مد يمناه
وياهنى اللى على الخير معتاد
يدفع زكاة المال والفرض صلاّه
ونفسه محاسبها ولا نم فى عباد
ويفرح لجاره يوم يرزق حولاه
ويقول أعوذ بالله من كل حساد
ونفسه فى رزقه بس مالا تعداه
ولا نوى فى رزق واحد إستكراد
وماخاب ظن اللى توكل على الله
وعند الشدايد يجعل الصبر مركاد
إحنا ورانا يوم شدّة ومأساة
ننلز ع نيران فيها السن قاد
ليست هناك تعليقات:
إرسال تعليق